17 dekabr 1992-ci ildə yaradılan Ruzu SKB Azərbaycan Respublikası Mərkəzi Bankı tərəfindən Səhmdar Kommersiya Bankı kimi 25 saylı sənədlə qeydiyyatdan keçmiş və 30 dekabr 1992-ci il tarixindən 112 saylı lisenziyaya əsasən müvafiq bank əməliyyatlarını həyata keçirmişdir.
17 yanvar 2002-ci il tarixindən adında dəyişiklik edilərək “NBCBank” KB kimi bank sektorunda fəaliyyəti davam etdirilmişdir.
2005 - ci ilin mart ayından isə Qanunvericiliyin tələbinə uyğun olaraq təşkilatı-hüquqi formasında dəyişiklik edilərək Açıq Səhmdar Cəmiyyətinə çevrilmişdir.
NBC Bank - ın Baş ofisindən əlavə xidmət şəbəkəsi Bakıda fəaliyyət göstərən 1 Saylı, Sahil, Səbail, Yasamal, Gənclik və regionlarda fəaliyyət göstərən Sumqayıt və Gəncə filialları olmaqla 7 filial və 1 saylı, 2 saylı şöbələr olmaqla 2 valyuta dəyişmə şöbəsindən ibarətdir.
NBC Bank ASC-nin Bakı şəhərində 5, Sumqayıt şəhərində isə 1 bankomatı,
8-i filiallarda qalanları isə müxtəlif ünvanlarda fəaliyyət göstərməklə 44 POS-terminalı vardır.
NBC Bank ASC - EBRD (Avropa Yenidənqurma və İnkişaf Bankı), İFC, ADB (Asiya İnkişaf Bankı), İCD (İslam İnkişaf Korporasiyası), DWM (Amerika),Societe Generale, Oikokredit (Hollandiya), USAİD, BankWorld , HVB Bank, Raiffeisen Bank, Austria Creditanstalt Bank, Aizkraukles Bank, VTB Bank, Akbank kimi müxtəlif aparıcı xarici bank və maliyyə institutları ilə əməkdaşlıq edir.
2009 - cu ildə “BankWorld” - dən USAİD (Amerika Birləşmiş Ştatlarının Beynəlxalq İnkişaf Agentliyi) vasitəsi ilə texniki yardımlar alınmışdır.
NBC Bank ASC-nin təsisçi şirkəti “Nurgün Qrup” MMM-dir.
Daha ətraflı məlumat almaq üçün bankın rəsmi internet saytı: http://www.nbcbank.az
|