Kövsər Bank Azərbaycandakı ilk kommersiya banklarından biridir. "Kövsər Bank" ASC 1988-ci ildən etibarən Azərbaycan bank sektorunda fəaliyyət göstərir. Bankın əvvəlki adı "Universal Bank" olmuşdur.
Bankın yeni Nizamnaməsi 10 mart 2001-ci ildə səhmdarların ümumi yığıncağında təsdiq olunmuş və 24 sentyabr 2001-ci ildə "Kövsər Bank" adı altında Ədliyyə Nazirliyində qeydiyyatdan keçmişdir. 21 oktyabr 2002-ci ildə Milli Bank bütün növ bank fəaliyyəti üçün "Kövsər Bank"a 02-10/381 №-li yeni lisenziya vermişdir. "Kövsər Bank" ASC Bakı şəhəri Vergilər Departamentinin 1 saylı filialında 1300174701 №-li VÖEN-lə qeydiyyatdan keçmişdir. Bundan sonra ,o, öz fəaliyyətində İslam Bankcılıq metodlarını tətbiq etməyə başlamışdirş Bu, İslam Bankçılıq sisteminə əsasən fəaliyyət göstərən Azərbaycanda ilk , MDB ölkələrində isə ikinci bankdir.
Bankın nizamnamə kapitalı 12.02 milyon manatdır, səhmlərin 50100 ədəd adi və imtiyazlı səhmlərdən ibarətdir.
Bankın nizamnamə kapitalının strukturu aşağıdakı kimidir :
- dövlət müəssisələrinin payı - 0.04 %
- qeyri-dövlət müəssisələrinin payı - 0.084 %
- rezident fiziki şəxslərin payı - 93.01 %
- xarici kapitalın payı - 6.87 %
Son yeddi il ərzində bankın aktivləri 320 min manatdan 21.8 milyon manatadək artmışdır.
Bankın lisenziyası ona dünya bankçılıq təcrübəsində tətbiq olunan bütün növ bank xıdmətləri göstərməyə imkan verir. Bankda dövlət müəssisələrinə, özəl sektorda çalışan hüquqi və fiziki şəxslərə xidmət göstərilir . Bank həmçinin , bank xidməti növlərinin artırılması və onların keyfiyyətinin yaxşılışdırılması üzərində işləyir.
Bankimiz 2002-ci ildən etibarən İslam bankçılığı nöqteyi-nəzərindən müştərilərə kredit verilməsi əməliyyatlarını dayandırmışdır.
Bankın müştərilərinin sayı 1000-dən çox hüquqi və fiziki şəxslərdir.
Bankın Almaniya, Avstriya , Türkiyə, Ukrayna , Rusiya və s. kimi ölkələrin tanınmış bankları ilə müxbir əlaqələri vardır və Yaponiya, Səudiyə Ərəbistanı, İngiltərə və s. ölkələrin iş adamları ilə sıx əlaqələrə malikdir.
Bankın iki filialı var.Onlardan biri Bərdə şəhərində, digəri isə Bakıdadır.
Daha ətraflı məlumat almaq üçün bankın rəsmi internet saytı: http://www.kautharbank.com/az
|